我喜歡被我喜歡的

E篇主要贴一D相..讲下响澳门嘅所见所闻同一D感想........可能会好混乱

1.澳门好多靚车吖!!名车嘅密度十分之大.benz比较多.宝马反而少......不过讲到真正嘅名车仲见到我家阵嘅心水!!!!!靚靚jaguar~~~嗯.mini都好多.仲有好多suzuki果只我唔识嘅车款...- -...反正D车都好mini啦.而且有好多好多好多嘅绵羊仔.自从广州禁摩之后.我见到moto车嘅心情就唔系一般嘅激动啦.E部系我见到最中意嘅mini.

2.澳门仲有好多靓仔.从过关开始.到赌场嘅荷官.再到大街小巷嘅各款靓仔.- -.我时时刻刻睇到目不暇接.但系我好认真咁发掘靚女.结果发现全部都化晒浓妆.根本睇唔出原来个样.于是放弃.专心睇靓仔.咔咔~

3.澳门D人好好人.例子见(一)嘅watson's seller同搭车伯伯

4.澳门好多地方都好人性化.

   a.比如话专俾狗狗55嘅地方啦

   b.有D厕所有空调啦.- -.E个地方我唔好意思影相

   c.度度都可以见到地图同路标.可能系因为有作为旅游城市嘅自觉.但系我自问去过咁多地方.只有澳门咁细心.咁人性化.

5.澳门好细.D马路好窄.有D马路嘅斑马线靜系得两三条.而且好多地方连红绿灯都冇.不过D人都好礼让.嗯.感觉真系好好

6.D马路同街名都好有趣.比如话大家都知嘅十月初五街啦.仲有D比如"亚美打利庇卢大马路"."飞能便度街"等等.咁好笑都系因为音译嘅原因.而且D马路名同街名以纪念性为目的嘅比较多.

7.成个城市嘅面貌都比较好.好多古香古色嘅嘢都保存得好好.中西文化嘅融合可以好容易咁感觉得到.比如话緊挨住一栋小洋房别墅嘅可能系一个好细嘅庙庵.教堂隔离都可能一间中式嘅大屋.不过講真.D葡式嘅屋屋真系好靚.总之.成个城市都好有味道

      

    

好啦...咁就差唔多啦.....哈哈....下次仲要去~~~~

起拱北搭车翻来已经差唔多11点拉.不过仍然顽强咁支持住写翻篇游记.因为我惊我听日训醒又再咩都唔记得....汗......|||

8.13  第一日

E日朝早6点几就起身拉.久违啦.跟住赶到锦汉搭车去珠海.总之.過咗关真真正正企起M嘅土地上已经11点.跟住搭车去新世纪食中午饭.之后.开始我地嘅氹仔一日游.- -导游系我.我地跟住地图行咗唔系几耐就到左氹仔村.行過果度嘅一啲小街小巷.见到所谓嘅明星.- -虽然我唔识佢.但系睇D澳门人好似极其兴奋.个个都扑过去影相.我地继续前行.来到咗嘉模墟.嘉模墟系M嘅旧城区咁上下.算系历史遗迹啦.再往前就到咗M嘅婚姻登记处.可以入去参观.见到佢地嘅签纸室.赫赫.有DD神圣嘅感觉.行過少少就系龙环葡韵.系澳门八景之一(?如果冇记错好似系).不过其实就系几栋葡式嘅小别墅.而且星期一所以冇开放.有DD遗憾.不过冇办法啦.翻去嘅时候行官也街.系一条手信街.不过规模頗细.少少值得行啦.

跟住就翻新世纪.谂住撞下手神赌翻几铺.不过同样好遗憾.我睇混成场.咩都唔识玩.- -.就连最简单嘅老虎机我都睇唔明中奖规则.最后好无奈咁睇人地玩三公.睇左大概十铺终于知道咩回事啦.- -.不过仍然冇赌度.因为papamama俾我嘅赌钱基金静系够我玩一铺.输齐就咩都冇啦.所以.我决定累积基金.等下次啦!响赌场食完自助餐我地就去车站搭车啦.因为我地人生路不熟.唯有问车站等车D人点搭车去我地間酒店啦.有个伯伯好好心吖.教晒我地点搭车.因为当时仲有好多人都问佢.所以佢其实都几忙咖.结果有个人听唔清上错车.个伯伯即时扑过去叫翻佢地落车.汗.我自问起广州都未见过D咁好嘅人.我自己都未试过.- -.好啦.以后要改进.

等我地上车之后.又有一个叔叔同阿姨好好心咁同我地講应该边个站落车.跟住点行去酒店.而且起M搭车.落车前要按铃.我地第一次去点知喔.后来有另外一个好好人嘅哥哥帮我地按.不过个所谓嘅铃真系好隐蔽吖.Orz

我地check in之后放低D行李就谂住出去行下.结果.我带错路.后来都系靠问人先翻到去酒店.哈哈.不过原来我地住嘅地方就系起十月初五街附近.真系好.感觉好微妙.期间问路阵问到一个菲律宾女人.我问佢.你知唔知XX酒店点去吖.跟住佢用我地成日起电视听到嘅广州话講"我唔知吖".跟住我就话"唔紧要".结果.我竟然用鬼佬講中文嘅音调講出来.papamama起隔离狂笑.我一直郁闷度翻酒店.- -.

冲完凉.papamama好攰好早就训咗.我因为惯性所以一直训唔着.于是就起身睇电视.结果俾我发现咗一个TW嘅channel.个名就叫hollywood video channel.好多大片睇.- -.于是我睇完一出电影之后又睇埋大国崛起先勉强训落床.当然啦.仍然碌咗好耐先训得着.

咁就一日啦

8.14   第二日

我个闹钟响咗两次我先舍得起身.但系papamama好似听唔到咁仍然训到成只死猪咁.于是.我肩负起叫醒佢地嘅大任一脚申咗我papa落床.因为振荡嘅关系.我mama都醒咗啦.我果然有效率.- -.

刷牙洗面搞下搞下又一个钟头过去.不过因为落雨.大家都唔想出去.但系我惊行唔晒我想去嘅地方所以仍然要佢地出去.- -.点解我papamama会咁咖.我地今日首先要去大三巴.但系.因为我要搵牛奶黎食早餐嘅关系.我地延住去大三巴嘅路一直搵有牛奶埋嘅店.- -不过好遗憾.行到去议事亭前地我地都冇揾到.就起E个时候.我见到有間watson.間watson瞬间就变成咗牛奶嘅样啦.但系.watson入边竟然冇牛奶卖.Orz.于是我就问服务员究竟边度有牛奶卖啦.点知.个服务员竟然带我地行咗几条街去到一间藏匿于街市之中嘅超市仔帮我地揾到我要嘅牛奶.真系好好人吖.- -.搞到我地好唔好意思.跟住我地出翻来.行完仁慈堂就延住条路上去大三巴.期间我地入咗去大堂巷7号嘅卢家大屋参观.西关大屋风格.好靚.保存得好好.门口系好好摸嘅水磨青砖.我企起门口摸咗好耐.直到papa拉我走.- -.不过真系好滑吖.跟住就去左大堂啦.姐主教座堂.入边好大好靚.而且可能因为楼顶高嘅关系.俾人一种好庄严嘅感觉.跟住继续行上去就到左葡萄牙驻M大使馆啦.起门口睇左一睇觉得冇咩值得参观就撇啦~结果.我地竟然去咗大炮台喔.- -.再一次行错路.虽然.大炮台都系我计划好嘅行程中嘅一站.大炮台有两种唔同嘅炮.

一种长D一种短D.我同papa都觉得长D果种射程应该远D.跟住我地见到一个仿制嘅警钟.个警钟系旧时有咩事突然发生要避难阵敲咖.一敲D市民就纷纷去避难.跟住.我同papa两条傻仔就企起指挥台(?唔知果度系米咧.不过果度视野好开阔.睇到前面所有嘅建筑.亦姐系以前嘅海域.)度大大力咁挥手兼且大嗌fire.后来我嗌.佢去开大炮.其时.mama一个人走开咗.可能嫌我地丢假.不过大嗌fire嘅感觉真系好好.豪情万丈.- -

跟住落咗去M博物馆及及.跟住.再落去就系大三巴啦!!因为落雨.所以papamama嘅惰性再次发挥.佢地去避雨我就一个人去玩.原来大三巴以前系教堂来嘎.因为被火焚毁.于是宜家就剩翻我地睇到嘅大三巴啦.姐系教堂嘅正面墙体.考古有幅还原图.话大三巴以前系放日本同越南殉教徒嘅尸骸噶.我落去及咗一及.点知碰啱有个日本团来咗.逼到水泄不通.终于.起我講咗无数句gomenasai同simimasen之后.我终于重见天日啦!!!!!去搵翻papamama顺便寄咗明信片翻屋企~~hoho.系大三巴嘅明信片同邮票咧~贵吖~

     

                             大三巴正面                                                            大三巴背面

行入D小街小巷度食完中午饭.出来唔知点解就到左玫瑰堂啦.玫瑰堂以前系修道院.家阵系教堂.虽然冇大堂咁大.不过都系好庄严.我地参观咗圣物宝库.圣物宝库入边D嘢我觉得好恐怖.- -.我一边行个身一边打震.都系Dbible入边嘅人嘅像吖.一D圣器吖.==咁嘅嘢.虽然都系好神圣嘅嘢.但系我无由来地从心底地觉得宇宙超级无敌霹雳的恐怖.囧.快快脆脆走人.- -

本来想去妈阁庙.但系唔想拜神.作罢.我本来又想去東望洋炮台.结果佢地唔想去.又作罢.- -.都唔知佢地系米黎旅游嘅.于是我好扫兴咁出关走人過珠海.- -

ED就系主要行程啦.相信我.我会再来噶.不过.我绝对唔会再同papamama来.而papamama亦都放话.佢地都要再来一次.不过绝对唔会再同我一齐来.Orz.

好啦.今日写到咁先啦.仲有一D嘢想写想講想记低.不过要等听日啦.今日好攰

D相都系听日贴啦~- -.谂起D相就嬲.充好电.放好晒DC.结果.结果我papa竟然冇帮部DC插卡.- -.于是.我全程用部手机影相.怨念