我喜歡被我喜歡的

哈哈 我最喜歡的歌詞就是下面這兩句了

Now as the summer fades

i let u slip away

n if i never see ur face again i dont mind

cause we gone much further than i thought we'd get tonight

不過我已經有很勤快在更新 爲即將過期的限量版夏天留下一些什麽

但其實已經沒有剩下些什麽了

PS 兩位主唱仍然那麽性感和銷魂 可惜adam阿adam 你身材實在不夠看阿 -______-

finally, the OG came to an end as everything

a sense of emptiness swept over me

now seeing CCTV1, athletes who didn't won medals showed on the programme, without this short i think i'll never know them. they should be honored and remembered

life continues

做任何事情都會懈怠 只是看遲早而已 更blog也是一樣 我給自己的藉口是 這些是小事所以沒有什麽記下來的價值 可是我知道生活是由小事拼成的 每一個夏天都是限量版

大學的第一個暑假還有一個星期就over 一個暑假 一個學期 一個學年就這樣子過完 于是 大學剩下四分之三

我以前總是覺得日子過得特別慢 而現在很快就過完一日 後來有人跟我說 以前覺得日子過得慢是因爲過去的每一日在生命中占的比例大 而慢慢長大 每一日与全部生命的比例分數亦不斷變化 分子永遠還是1 但是分母就不斷不斷加大

前幾日某人約我初中同學聚會 雖然我也很想念他們 但是我就是不想參加所謂同學聚會 不知道是因爲這個暑假發生太多事令我提不起心機還是因爲我已經覺得這些事情再沒有意義 曾經 這些事情總是能够令我興奮高興又投入

很快就又要迎新 然後新生軍訓 而我終于成爲老餅一個 突然有種滄桑感

前幾日在删短信 突然看到去年高考放榜之後我的初中同桌 天河區中考狀元的短信 一直我都以爲她一定會讀清華北大這些一流大學 再不然也是復旦浙大這些二流的 可是她最後只讀了北郵電 雖然我知道這也是很好的學校 但是我也只能把它放在二流和三流之間的夾層 當我知道她讀北郵電的時候 好像有一種幻滅的感覺 就好像妳認為的世界上最乾淨的東西突然變髒的那種無措 她最後說了一句 "雖然夢破了,但有種蛻變的踏實" 而我現在終于明白這句話的意思 也感受到這種心情 謝謝

u said its a false start.

but whats a good start?

今朝早10:55 嬤嬤起醫院過左身

今朝早同暑假以來嘅每一個weekdays一樣 好早起左身跟住翻南校 復習舊單詞背完新單詞跟住睇左幾十頁嘅外交思想史 10:42陣mama突然打電話來話嬤嬤唔得啦 叫我即刻去醫院 唔知點解聽完之後好鎮定咁收嘢離開 出到校門截的去醫院 等唔切電梯于是行樓梯上去 成個病房嘅人都出晒來 姑媽一直起度 大伯父已經到左 而嬤嬤已經俾白布kum住眼泪終于流左出來 冇幾耐 mama都來左 雖然mama話嬤嬤已經87歲係喜喪 但繫眼泪就繫唔受控制咁一直流一直流 姑媽好驚 一直重複住嬤嬤臨終嘅情况 佢話果陣仲要帯呼吸機 嬤嬤一直話好辛苦一直囉囉癴咁問幾時可以除翻低 醫生巡房之後再來同姑媽講嬤嬤嘅情况 佢叫姑媽再買幾支白蛋白等等 姑媽一直睇住嬤嬤 突然嬤嬤個面色變得蠟黃蠟黃 姑媽即刻叫醫生睇 毫無疑問 醫生即刻叫搶救 因爲姑媽係護士 所以佢知道嬤嬤應該會走 所以打電話叫大伯來順便叫佢通知我地 mama買俾嬤嬤嘅玉鐲送左俾姑媽 我買俾嬤嬤嘅玉墜mama就叫我摞翻 佢話 嬤嬤會保佑我 之後大家翻大屋 我已經呆滯到唔知可以做乜 幫手折元寶繫我唯一可以做嘅嘢 希望嬤嬤可以收到我份心意

大家都起度慶幸嬤嬤走嘅時候姑媽起度 因爲4年前爺爺走嘅時候係早上7點幾 一個親人都唔繫身邊就走左 而4年前嘅4月正值中考前夕 果一日我好記得 直到晚黑晚修完之後我先知道爺爺過左身

姑媽話 尋日晚黑佢個心一直啵啵啵啵咁跳得好快 好似有預兆咁 而尋晚唔知點解我起床度一直都訓唔著一直諗到嬤嬤 一直到兩點幾 但繫我從來都唔覺得係咩預兆

尋日 嬤嬤鄉下嘀親姪仔地出來睇佢 嬤嬤好清醒認得晒佢地所有人 前幾個星期 嬤嬤都好過一排 傢陣諗翻過去 可能係所謂嘅迴光返照 而尋日見到嘀親人 可能係了却左嬤嬤嘅心願 所以今朝先走左

今年春節未過嬤嬤就入左一次院 果時原來搶救過一次 搶救之後 嬤嬤同姑媽papa講 佢話自己好似搭船去左公海 個個都起岸邊 但繫就繫唔見我 于是個心好急好急 一直揾我起邊 直到今次入院 嬤嬤因爲唔想帯氧氣機 papa就同佢講如果唔帯就又會出公海噶啦 我先知道依件事 我同papa講 如果嬤嬤果時揾到我 咁佢繫唔繫就會走 papa話 who knows

尋日探嬤嬤陣我突然覺得好悲哀 我咁中意影相 但繫我竟然同嬤嬤冇一張合照甚至我冇嬤嬤一張相 尋日嘅中午飯我繫喊住咁食完 跟住我心入邊諗 嬤嬤一有好轉我就要即刻同佢合照 但繫我唔知原來冇依個機會

已經唔記得係過年果次靜繫今次入院嘅時候發生噶事啦 我發夢嬤嬤走左 第二日醒翻我冇同任何人講過個夢 但繫我同自己講我要對嬤嬤好嘀再好嘀 但繫我好似又冇做到我講嘅嘢 好似我同豆仔講嘅咁 大家學識左一嘀好深刻嘢之後其實都會好快忘記 識得珍惜嘅冇幾個 好不幸 我今日都成爲左果一個 尋晚我明明仲諗 聽日起 我每一日都要去睇嬤嬤 但繫 我再都冇依個機會

嬤嬤起我小學嘅時候就開始同我住 幾個孫之中 我同嬤嬤最親 起天河住嘅日子裏面 嬤嬤嘅身影充斥著每一個畫面 嬤嬤好識煮餸 鶏翼 番茄煮蛋 好簡單但繫就繫我最中意食嘅嘢 高考嘅果幾日嬤嬤都幫我整早餐 蛋粽 好似好簡單 但繫mama點都煮唔好 嬤嬤話要浸蛋液 要用力壓 但繫其實嬤嬤力氣好細 我唔知道 果幾日 嬤嬤透支左幾多 嬤嬤好中意听粵劇睇韓劇台劇 成日都話邊個邊個男明星好靚仔 嬤嬤可以起電腦前面同我地一樣追大長今到淩晨仍然意猶未盡 太多太多嘅回憶 好似記得又好似忘記左

我考到中大 嬤嬤好開心 佢甚至專登行去學校門口睇掛起大門口嘅橫幅 逢人就同人地講我個孫考到中大 老人家其實真繫好易滿足 但繫我唔繫 我想考雙學位 所以日日都去圖書館 因爲咁錯過左同嬤嬤一齊嘅最後時光 嬤嬤 你會唔會怪我

我一直諗 嬤嬤會唔會記得我會唔會翻來睇我 雖然都繫冇可能會有答案嘅問題 but i can't stop thinking

我好想嬤嬤見到我著學士服 我一直都以爲會有果日 我甚至已經計劃好點樣車嬤嬤去大學城 不過再都冇機會

我都好驚我會唔記得嬤嬤 如果連我地都忘記左佢 咁邊度仲有佢存在過嘅痕迹 所以我真繫好驚好驚

嬤嬤係我好敬佩好欣賞嘅人 嬤嬤教出來嘅仔女都好好 除左大伯父 嬤嬤好豁達 佢身上仲有好多我要學嘅嘢 我一直同嬤嬤講我要跟佢學煮餸 但繫 我都宜傢爲止靜繫識得煮番茄煮蛋 一味餸 嬤嬤就教過我幾次 佢有我冇嘅耐心

嬤嬤成日都話要請我飲茶 但繫我總係因爲怕早起身所以好少受邀 同嬤嬤飲茶兩個人絕對唔會超過20蚊 但繫嬤嬤成個星期都會好開心

讀左大學之後我要一個星期先翻一次屋企 每次翻來嬤嬤都準備好靚餸甚至成日話要出錢加餸 嬤嬤負責晒洗衫晾衫煮餸 但我就經常挑剔嘀餸唔好食 星期日翻學校之後 嬤嬤又會將我所有毛巾等等洗乾淨放入衣櫃 等下個星期我翻來嘅時候可以用

嬤嬤中意哼歌 因爲听唔明 我次次都冇仔細听 嬤嬤教識我背木蘭辭 我仲記得幼兒園嘅時候嬤嬤成日都來接我翻大屋

食飯嘅時候嬤嬤都會講 靜 有乜乜有乜乜 嬤嬤中意食番薯布冧山竹花生 好普通嘅嘢 但繫我都滿足唔到佢

其實我已經組織唔到語言 腦入邊諗到乜就寫乜 我記得細個嘅時候mama打我 嬤嬤竟然擋起我前面挨左一藤條

嬤嬤 多謝你縱容我心痛我錫我多謝你一直以我為榮 我今日嘅成績雖然仲唔夠好多 但繫我會一直行落去 今日嘅成績我知道起碼有一半嘅原因係因爲你 睇到你開心我都會開心 我知我好情緒化 我心情好就對妳好 心情唔好就唔理你甚至頂你嘴 我知道你一定好唔舒服甚至可能心寒 但繫冇幾耐妳又原諒我 我從來都冇起你面上見到你唔高興 但繫即使我冇讀心術我都知道你個心有几苦 嬤嬤對唔住 希望你可以收到我嘅對唔住 同多謝妳嘅寬容 多謝你一直以來爲我做過嘅 人地話家有一老如有一寶 因爲有你先有我地屋企嘅今日 先有我

嬤嬤 一路走好